دا وداني چې د حوړولو چارې يې په اتو مياشتوكې بشپرې شوې، يوسايډ لخوا پرې څه د پاسه يوولس ميلونه افغانۍ لګول شوي دي.
په همدې مهال جوړې غونډې ته خوست والي حميدالله قلندرزي وويل چې تراوسه په خوست كې داسې كومه وداني نه وه چې له ولايته بهر راغلي ميلمانه پكې اوسيدلي وى.
د دوى په وينا د دې ودانۍ په جوړولو سره به دا ستونزه تر ډېره بريده حل شي، د خوست ښار لوديځ ته د متون غونډۍ پر سر حوړه شوې دا وداني په دوو پوړونو كې اوه خونې لري او په نږدې دوه جريبه ځمكه جوړه شوي ، چې د يوسايډ يا دامريكا متحده ايالاتو پرمختيايي ادارې لخوا پرې څه دپاسه يوولس ميليونه افغانۍ لګول شوي دي.
خوست ښار وال سخي ميرالله اميري وايي چې تردې مهاله دوى د ولايت په كچه د بهرنيو ميلمانو لپاره له يوې داسې ودانۍ ګټه پورته كوله چې، څولسيزې وړاندې ديوې دولتي ادارې لپاره جوړه شوې وه.
په همدې مهال خوست والي دا هم وويل چې د راتلونكي كال لپاره يې په سلګونو پروژې پلان كړي او له مرسنتدويه ادارو سره يې هم خبرې شوي دي، د دوى په خبره كه له دې ډلې نيمايي هم وشي نو د خوست په بڼه كې به بدلون راولي.
پورته ^
د جنوب ختيځو ولايتونو لوړ پوړو چارواكو له سلګونو قومي مشرانو سره يو ځاى د خوست او پكتيا پر لويه لار د كار د چټكتيا په موخه يوه پراخه غونډه وكړه.
خوست كې د تندر قول اردو لومړى لوا په مركز كې جوړې دې غونډې ته ، د خوست، پكتيا او پكتيكا پر واليانو او وكيلانو سربېره د سيمې سلګونه قومي مشران هم راغلي وو.
خوست والي حميدالله قلندرزي غونډې ته وويل، چې د خوست او ګردېز پر يو سلو لس كيلومټره سړك له تېر كال راهيسې د اساسي جوړولو كار روان دى، خو د ځينو تخنيكي ستونزو له امله هومره چټك نه دى، څومره يې چې تمه كيده.
ده د سړك جوړولو له كمپنۍ وغوښتل، چې د خوست ښار څلور كيلومټره لويديځ سړك دې جوړه تېر كړي او د لارې په اوږدو كې دې د ګڼې ګوڼې او ښوونځيو ته نېږدې ځايونو كې هوايي پلونه جوړ كړي، تر څو د ټرافيكي پېښو مخنېوى وشي.
پكتيا والي جمعه خان همدرد وويل، چې د خوست او پكتيا دغه ټرانزيټي لار نه يوازې دې دوو ولايتونو، بلكې د هېواد ډېرو سيمو ته په ګټه ده.
د خوست ښځو چارو ريسې رؤګل ځدراڼ د دغه سړك اهميت د هېواد په كچه وباله، ځكه د دې په دغه لار، د افغانستان د نورو لارو په پرتله سلګونه كيلومټره د كراچۍ بندر ته لنډه ده.
پكتيكا والي قيوم خان كټوازي بيا د خوست او پكتيا لارې پر اهميت سربېره له حكومت او نړيوالو وغوښتل، چې د خوست او پكتيكا ولايتونو ترمنځ غځېدلې لاره هم په اساسي ډول جوړه كړي.
په ولسي جرګه كې د پكتيا استازې شريفې زرمتى غونډې ته د خپلو خبرو پرمهال د حكومت ځينې وزيران په دې تورن كړل، چې د افغانستان ځينو سيمو له بيارغونې سره دلچسپي نه لري.
د يادولو ده چې دې غونډې ته له مركز كابل څخه د فوايد عامې وزير هم رابلل شوى ؤ، خو رانغى.
د خوست او ګردېز پر يو سلو لس كيلومټره اوږده لار د يوې هيندې كمپنۍ له خوا د نېږدې سلو ميليونو ډالرو په ارزښت كار پيل شوى دى.
پورته ^
